Missing Plug-in  جهازك لا يحتوي على برنامج مشاهدة الأفلام بجودة عالية HD
X

العودة   ..::ArabSeed::.. > القسم عام > المنتدي العام

موضوع مغلق
 
أدوات الموضوع انواع عرض الموضوع
قديم منذ /02-03-2011, 07:18 PM   #1

Doo$H
Power Seeder

Doo$H غير متواجد حالياً

 رقم العضوية : 14902
 تاريخ التسجيل : Oct 2008
 المشاركات : 5,694

افتراضي كلمة للتاريخ ... ثورة الغضب





انا هتكلم بصفتى شخص حضر الثوره من اولها حتى الان .. وشاف كل الذل اللى الناس شافته
قالوا ان الاخوان هم من ينظمون ويقودون الثوره .. الثوره قامت كما جميعا نعرف على الفيس بوك وليس لها حتى الان رؤوس او قيادات .. كل اللى كانوا معانا شباب ليست لهم اى ميول سياسيه او حتى دينيه .. كلهم فاض بهم الحال من الظلم والطغيان .. كلهم يتحدون على هدف واحد , قلب واحد , رجل واحد
قالوا ان اسرائيل هى من لها المصلحه فى هز الاستقرار .. يا اصحاب العقول .. اسرائيل من اكبر المصالح لها ان يظل هذا النظام .. وهذا ما قاله نتنياهو رئيس الوزراء بنفسه .. ان اسرائيل ضغطت على العالم الغربى لدعم النظام الحالى .. لانها ستكون كارثه عليها ان يظل هذا النظام ..
قالوا ان الاخوان او جهات اخرى توزع وجبات ساخنه واموال على المتظاهرين فى ميدان التحرير .. اقسم بالله اننا كنا نجوب الشوارع بحثا عن اى مكان نأتى منه بأى طعام .. ونشتريه بضعف ثمنه وهناك ايام كنا نظل طوال اليوم بدون اى طعام
الاعلام المصرى فى اول ايام الثوره لم يكن اصلا يتحدث عن الثوره .. ولا ان هناك قتلى فى صفوف المتظاهرين من اول يوم .. ولا عن قنابل الدخان او الغاز المسيل للدموع او الرصاص المطاطى او الخرطوش الحى حتى هذه اللحظه
لقد سقط مننا قتلى منذ اول يوم .. لا تدعوا احدا يلعب بعقولكم .. لقد اصبت انا نفسى بشظايا الخرطوش الحى والتى تمتد فى كل ظهرى .. مات شبابا بين يدى عندما كنت احاول اسعافهم بكيت مما رأيته وما يفعله النظام فينا
اقسم انهم لو كانوا يهود لم يكونوا ليفعلوا بنا اكثر من ذلك وكنا لا نمتلك حتى الحجاره
هناك الالاف وانا منهم امضوا الليل كله فى ميدان التحرير فى وسط البرد ينامون فى الشوارع .. بالله عليكم هل هؤلاء خونه وعملاء .. اناس جاءوا من كل مكان رجال وسيدات كبارا وشباب .. لو رأيتموهم لفطرت قلوبكم.

دعونى اقول لكم من الخونه ..
من قام بقتل الشباب بالخرطوش الحى والرصاص المطاطى اثناء المظاهرات .. وهم لم يكون حتى فى ايديهم حجارة..
من قام باطلاق قنابل الدخان والغاز المسيل للدموع والرصاص المطاطى اثناء قيامهم بالصلاه فى وسط كوبرى قصر النيل لكى يحاولوا حماية اخوانهم فى الخلف من دهس مدرعات الشرطه .. والفيديو موجود
من قام بسحب الشرطه من كل شوارع مصر واطلاق السجناء والمسجلين خطر من اقسام الشرطة والسجون لكى تعم الفوضى.
قال لى احد المجندين فى الشرطة اعرفة شخصيا انهم اخذوا اوامر مباشرة بخلع الزى الميرى ولبس المدنى وترك كل شئ والرحيل .. وقال لى انهم قالوا ان هناك اسلحه لا يمكن تركها .. وكان الرد هو اتركوا كل شئ وارحلوا
والله ان هذا وصمة عار فى تاريخ مصر ..
الان اسالوا انفسكم .. من قام باحلال الفوضى فى البلاد لكى يضعف من الناس ويجعلهم يتمنون ان يعود هذا النظام الذى تعجز اى كلمات عن وصفة .. اخوانى لسنا نحن الخونه .. وانما هو النظام الخائن .. الذى خان بلده وخان وطنه وخان شعبه
والان يبعثون ببلطيجة مأجورين لكى يقوموا بقتلنا لانهم انتهى بيهم المطاف وتأكدوا اننا لن نتركهم يرحلوا فى سلام واصبحوا الان كلهم على قول واحد " نفسى ومن بعدى الطوفان "
هؤلاء لا يكترثوا لمصلحة مصر .. هؤلاء لا يهمهم غير مصلحتهم .. وعندما تعرضت مصالحهم للخطر اصبحوا كالكلاب الثارة فى وجه الشعب .. الان اتضح الوجه القبيح والحقيقى للنظام.
يجب ان يعرف الشعب المصرى من هو عدوه الحقيقى .. ليس اسرائيل وليست امريكا .. هؤلاء اعداء معروفين ويمكننا التعامل معهم
العدو الحقيقى لهذا الشعب هم النظام
اكثر من 300 قتيل و 6 الاف جريح منذ بداية الثورة كلهم على يد النظام ليس على يد اسرائيل او امريكا
كيف تريدون منا التخلى عن دم اخواتنا واصدقائنا بأى منطق بأى دين كيف نضيع دم الشهداء الذين سقطوا منا هدرا
ماذا اقول لصديقى الذى مات امام عينى " انا ضيعت حقك "
كيف سمحتم لانفسكم ان تصدقوا هذا " المبارك " ونسيتم كل ما فعله فى هذا الشعب وأنه هو رأس الافعى وسمحتم له ان يحرك قلوبكم وتشفقون عليه ..
ألا تشفقوا على الشهداء .. ألا تشفقوا على الدماء التى اريقت .. ألا تشفقوا على الشباب الذى ضحى بنفسه من اجلكم .. من اجل ان تعيشوا بكرامتكم وحريتكم ..
لقد كنا شعبا ذليلا فى بلدنا وفى الخارج .. انظروا الان ماذا يقول العالم عنا .. لقد استعاد الشعب المصرى كرامتة فى وسط العالم اجمع .. الان يستطيع كل منا رفع رأسه ويقول " انا مصرى "
بالله عليكم لا تضيعوا كل ما فعلناه من اجلكم .. لاتضيعوا كل الدماء التى اريقت من اجلكم .. هذا النظام لو بقى سوف ينتقم من كل فرد منا لانه بالفعل بدأ انتقامه .. وارسل رجالة الى ميدان التحرير يطلقون على الناس الرصاص الحى .. وسقط 3 قتلى و 15 جريح ويلقون بقنابل الغاز والدخان والتى لا يمتلكها الا الشرطة وبالتحديد الامن المركزى .. حتى لا تقولوا انهم سرقوا من اقسام البوليس
قال لى والدى مهاجما موقفى .. " دى عالم ملهاش اهل .. انت مالك بيهم "
وكان ردى .. اذا كانوا كذلك فأنا " أشرُف ان اكون منهم "
تحية واحترام لكل الشهداء وكل شباب مصر الباسل .. والله انى كلى فخر انى من هذا الجيل
الان فقط استطيع ان اقولها .. وكنت احلم باليوم الذى اقولها فيه
فخور انى مصري

 
قديم منذ /02-03-2011, 07:23 PM   #2

乂事NaRN!a事乂
Tһe Pr!nćèśś
 
الصورة الرمزية 乂事NaRN!a事乂

乂事NaRN!a事乂 غير متواجد حالياً

 رقم العضوية : 28684
 تاريخ التسجيل : Jan 2009
 المكان : ●ҳ̸Ҳ̸ҳ Far Away ҳ̸Ҳ̸ҳ●
 المشاركات : 33,803

افتراضي





اول حاجة يا محمد عايزة اقولك ان كل كلمة قولتها وجعت قلبي
ووالله مفيش دموع تكفي عشان اعبر عن الالم اللي جوايا
الشباب اللي استشهدت دي واللي اصيبت دي دمها في رقبة كل اللي ساكتين
والساكت عن الحق شيطان اخرس
اللي عمالين يطبطبوا ويقولوا النظام كويس ونعم لمبارك
اللي قتل زينة من شباب بلدنا

واسرائيل ايه اللي عايزة كده !!!!!!
دول مرعوبين عشان النظام هيقع
فين عقولكم
ايه خلاص اتجمدت؟

نسيتوا الجوع و نسيتوا البطالة
نسيتوا الناس اللي بتنهب فلوسنا و بتدكن في البنوك
واحنا في داهية عااادي خلي الناس من غير شغل و من غير حياة كريمة
فين الناس اللي كانت تقول مفيش شغل
مش عارفين نتجوز
التعليم باظ
فين الناس دي؟؟؟؟؟؟

كلهم بقوا شرفاء وبيدافعوا عن النظام
بجد عيب اووووووووووووووووووووي
في ثانيه تنسوا ثورة الشباب دول
تضيعوا كل التعب في ثانية
اتضحك عليكم في شوية كلام معسول لا يودي ولا يجيب
عواطفكم دي متأثرتش من مناظر الشهدا والشباب اللي بتموت
مش عايزين حرية؟
مش عايزين كرامة؟

ولا اتعودتوا انه ميبقاش ليكوا كرامة وتفضلوا متداسيين ومحدش ينطق بكلمة لا
لو انتوا كده فاحنا مش كده
وبنقولها لا للنظام الفاسد ولا لمبارك
وثورة حتى النصر باذن الله

وهو يمشـــــــــــــــــــــــــــــــــــــــــــــــ ـــــــــــــــي بقــــــــــى

التوقيع

في زمن الايفون ، الفيس بوك ، التويتر ، الواتس آب ، البلاك بيري . .

أصبحت أصآبعنآ تتحدث أكثر من شفايفنا

يعني أتوقع لو إتقطع صباع الواحَد ضَاع مستقبله

صباعـك حصانك إن صُـنته صـَانَك وإن خُنته خَانَـك!!!



التعديل الأخير تم بواسطة 乂事NaRN!a事乂 ; 02-03-2011 الساعة 07:51 PM
 
قديم منذ /02-03-2011, 07:25 PM   #3

R0shDy
Ü.₩.Ķ 101% Mentality
 
الصورة الرمزية R0shDy

R0shDy غير متواجد حالياً

 رقم العضوية : 107511
 تاريخ التسجيل : Dec 2009
 المكان : بــــنـــهــــا
 المشاركات : 10,963

افتراضي





تحية واحترام لكل الشهداء وكل شباب مصر الباسل

التوقيع
فـرســـــان فــى الــمـدرجــات


http://www.youtube.com/watch?v=I-BDoshM4IU

 
قديم منذ /02-03-2011, 07:53 PM   #4

Caiser
Don't Say Aword
 
الصورة الرمزية Caiser

Caiser غير متواجد حالياً

 رقم العضوية : 76901
 تاريخ التسجيل : Aug 2009
 المكان : ام الدنيا
 المشاركات : 8,900

افتراضي





اقتباس:
نسيتوا الجوع و نسيو البطالة
نسيتو الناس اللي بتنهب فلوسنا و بتدكن في البنوك
واحنا في داهية عااادي خلي الناس من غير شغل و من غير حياة كريمة
فين الناس اللي كانت تقول مفيش شغل
مش عارفين نتجوز
التعليم باظ
فين الناس دي؟؟؟؟؟؟
ايوة كده اتكلمي يا شذي
عشان خلاص انا اتخنقت ومكنتش ناوي اتكلم
بس اهو محمد نفسه واحد من اللي شاف ونزل وشارك
عاوز اعرف اللي بيقول مسيره عطاء وموده والكلام ده ؟؟
علي اي اساس ومين اللي قال كده ؟
هما عايشين معانا ؟؟ في مصر ؟؟
والتضليل والتعتيم اللي بيحصل من القنوات المحليه ليه ؟؟
عارف ان الجزيره يمكن تكون ولعتها عالاخر لكن الصور اللي كانت موجوده دي منين ؟؟
ماهي من الشارع واللي كان بيحصل في الوقت اللي كان التلفزيون المصري جايب النيل
وان الوضع هادي جدا ومفيش اي مشكله

الكلام كتير اوي بس مش هقول غير حسبي الله ونعم الوكيل

التوقيع

 
قديم منذ /02-03-2011, 08:02 PM   #5

乂事NaRN!a事乂
Tһe Pr!nćèśś
 
الصورة الرمزية 乂事NaRN!a事乂

乂事NaRN!a事乂 غير متواجد حالياً

 رقم العضوية : 28684
 تاريخ التسجيل : Jan 2009
 المكان : ●ҳ̸Ҳ̸ҳ Far Away ҳ̸Ҳ̸ҳ●
 المشاركات : 33,803

افتراضي





اقتباس:
المشاركة الأصلية كتبت بواسطة caiser مشاهدة المشاركة


ايوة كده اتكلمي يا شذي
عشان خلاص انا اتخنقت ومكنتش ناوي اتكلم
بس اهو محمد نفسه واحد من اللي شاف ونزل وشارك
عاوز اعرف اللي بيقول مسيره عطاء وموده والكلام ده ؟؟
علي اي اساس ومين اللي قال كده ؟
هما عايشين معانا ؟؟ في مصر ؟؟
والتضليل والتعتيم اللي بيحصل من القنوات المحليه ليه ؟؟
عارف ان الجزيره يمكن تكون ولعتها عالاخر لكن الصور اللي كانت موجوده دي منين ؟؟
ماهي من الشارع واللي كان بيحصل في الوقت اللي كان التلفزيون المصري جايب النيل
وان الوضع هادي جدا ومفيش اي مشكله

الكلام كتير اوي بس مش هقول غير حسبي الله ونعم الوكيل

والله يا عمرو الكلام اللي اتقال ده ميجيش واحد % من اللي جوايا
الناس اتسممت عقولها و بتنساق ورا الاعلام التافه اللي بيضحك على عقول الناس و مش بيجيب حقايق
قال مسيرة و معرفش ايه على اساس انه بيتحسن علينا بعطاؤه
هو مين بيشتغل عند مين مش فاهمة
حسبنا الله ونعم الوكيل فيهم واحد واحد
باذن الله ربنا مع الثورة و هينصرهم

التوقيع

في زمن الايفون ، الفيس بوك ، التويتر ، الواتس آب ، البلاك بيري . .

أصبحت أصآبعنآ تتحدث أكثر من شفايفنا

يعني أتوقع لو إتقطع صباع الواحَد ضَاع مستقبله

صباعـك حصانك إن صُـنته صـَانَك وإن خُنته خَانَـك!!!


 
قديم منذ /02-03-2011, 08:20 PM   #6

™BlackMask
BF4
 
الصورة الرمزية ™BlackMask

™BlackMask غير متواجد حالياً

 رقم العضوية : 42988
 تاريخ التسجيل : Mar 2009
 المكان : Raccoon city
 المشاركات : 2,089

افتراضي





سبق وقلت الكلام دا قبل كدا لقيت رد فعل من الناس غريب زى ما يكون انا مش مصرى الناس الى مش راحت التحرير ومشفتش الى حصل ولا تابعت حتى فى الاعلام الى بيحصل مشفوف عربيات الشرطة بتدوس على الناس لحد ما عجلات العربيه وقفت من كتر الناس الى تحتها مشفوش واحد وشو مشوه من الشظايا مشفوش ناس ماتت من الاختناق الناس دى قاعده بتقول ادينا عايشين وخلاص مش عارفين ان خطاب مبارك اتسجل الساعه 5 يعنى طلب طلب من الحكومة تقديم الاستقالة الساعه 5 طبعاً الوزراء عرفو انهم ماشين امرو بسحب الشرطة وانتشار البلطجية فى البلد علشان الى عايزنو يحصل يحصل وهو حصل دلوقتى الناس قالت عايزين امن عايزين نرجع زى ما كونا تخطيط منظم . بالنسبة لموضوع اسرائيل انها السبب فى الى بيحصل !!!!! اسرائيل المستفيد الاول من مبارك اقلكو اسرائيل بتعمل ايه دلوقتى . اسرائيل هى الى ورا المظاهرات المؤيده للرئيس وهى الى كانت بتوزع فلوس على الناس تفكير صهيونى للايقاع بين الشعب المصرى وللاسف كل مره بينجحو فى الى بيفكرو فية ....

التوقيع
Follow Me

التعديل الأخير تم بواسطة ™BlackMask ; 02-03-2011 الساعة 08:36 PM
 
قديم منذ /02-03-2011, 08:23 PM   #7

هواوي رعب
New Seeder
 
الصورة الرمزية هواوي رعب

هواوي رعب غير متواجد حالياً

 رقم العضوية : 78578
 تاريخ التسجيل : Aug 2009
 المشاركات : 164

افتراضي





الله ينصركم ياأخواني
على كل ضالم جبار

حسبي الله ونعم الوكيل

 
قديم منذ /02-03-2011, 08:25 PM   #8

™TopAshraf
Quiet Man

™TopAshraf غير متواجد حالياً

 رقم العضوية : 111996
 تاريخ التسجيل : Feb 2010
 المشاركات : 48,425

افتراضي





تحيه واحترام لكل الشهداء بس مينفعش اؤيد حجات كتير من الى انت قلتها (وده رايى بكل حياديه) وارجو انك تحترمه

بالنسبه لاحداث التخريب انا مهما فكرت ومهما حاولت استخدم المنطق بتاعك (ممكن يكون كلامك منطقى) لكن فى فئات كتير مشتبه فيها ومش معنى ان فى ضابط انت على معرفه بيه قالك الكلام ده ان المفروض نصدقه ومينفعش نقرر من نفسنا مين السبب فى كده الا لما يتم التحقيق فى كده وتطلع نتائج رسميه (ان بعض الظن اثم)

بالنسبه لاحداث الشغب محدش ممكن ينكر ان كان شيى من التجاوز عند الامن بس فى نفس الوقت منقدرش نقول ان كان فى تجاوزات من الشباب وانا شفت ده بنفسى برده زى ما انت شفت تجاوزات الامن(وباى حال ده مكنش المفروض يحصل من الطرفين)


دم الشهداء لم يضيع يا محمد بدليل الناس كلها تم تنفيذ مطالبها و تم اقالة الحكومه وكل الناس الفاسدين مشيوا وكلنا اكيد زعلانين على الناس اللى ماتت

بس يا ريت بحق ربنا لا ننظر لكل اللى فات خلينا فى الواقع الحالى المؤلم اللى انت تغاضيت عنه نهائيا

الرئيس مبارك هو رجل محترم وفوق مستوى الشبهات وانا و كل الناس المحايده عارفين انه غير مسئول عن الانفلات الامنى اللى حصل يوم الجمعه واللى حصل برده امبارح فى ميدان التحرير والا مكانش طلب انه يتم التحقيق فى اللى حصل يوم الجمعه

وبعدين انت بتقول اننا عشنا فى بلدنا اذلاء ازاى تقول الكلام ده؟؟؟؟

انا عمرى ما حسيت انى مزلول فى البلد دى فى عهد الرئيس ده والكلام ده لا يمكن ان ينطبق على الشعب المصرى كله

وبعدين لو انت شايف ان ده العصر ده كله زل امال تقول ايه على عصر الرؤساء السابقين

اللى لما كان حد يقول (بم) كان بيبقى صاحب سوابق

هو اللى دعم الاحساس بالامان للناس فى بداية حكمه بعد اغتيال الرئيس السادات وقتها الناس كانت بتخاف تمشى فى الشارع

الراجل ده زى ابوك وابويا وابو الناس كلها هل تقبل على ابوك ان حد يقول عليه كلام وحش / كل ابن ادم بيخطىء ومفيش بنى ادم معصوم من الخطأ (الرئيس ده بنى ادم زيه زينا) كل حاكم له سلبياته وله ايجابياته مهما كان مقامه ومصداقيته عند الناس

الراجل ده لو اطول ابوس ايده والله العظيم لاعملها واروح لغاية عنده

الرئيس اللى انت بتقول عليه كلام مش كويس ده هو اللى وفر حرية الراى بكافة اشكالها وهو السبب فى ان احنا بنتكلم دلوقتى

وعشان هو بيحب شعبه وبلده نفذ مطالب الشعب واقال الفاسدين

اللى يغلط فى الرئيس يبقى غلط فى الشعب كله وفى الجيش اللى طول عمره حامى البلد

الرئيس عمره ما كان فاسد ولا عمره هيبقى فاسد

شهداء الثوره كلنا زعلانين عليهم بس ميديش حد فينا الحق انه يتهم الريس بانه ورا ده كله (مينفعش نعلق على الريس كل الاخطاء)

وكنت اتوقع ان يكون فى موقف محايد يقول للناس اللى فى ميدان التحرير انهم يمشوا علشان البلد متضيعش بحق وحقيقى

 
قديم منذ /02-03-2011, 08:58 PM   #9

Doo$H
Power Seeder

Doo$H غير متواجد حالياً

 رقم العضوية : 14902
 تاريخ التسجيل : Oct 2008
 المشاركات : 5,694

افتراضي





اقتباس:
المشاركة الأصلية كتبت بواسطة topashrf مشاهدة المشاركة
تحيه واحترام لكل الشهداء بس مينفعش اؤيد حجات كتير من الى انت قلتها (وده رايى بكل حياديه) وارجو انك تحترمه

بالنسبه لاحداث التخريب انا مهما فكرت ومهما حاولت استخدم المنطق بتاعك (ممكن يكون كلامك منطقى) لكن فى فئات كتير مشتبه فيها ومش معنى ان فى ضابط انت على معرفه بيه قالك الكلام ده ان المفروض نصدقه ومينفعش نقرر من نفسنا مين السبب فى كده الا لما يتم التحقيق فى كده وتطلع نتائج رسميه (ان بعض الظن اثم)

بالنسبه لاحداث الشغب محدش ممكن ينكر ان كان شيى من التجاوز عند الامن بس فى نفس الوقت منقدرش نقول ان كان فى تجاوزات من الشباب وانا شفت ده بنفسى برده زى ما انت شفت تجاوزات الامن(وباى حال ده مكنش المفروض يحصل من الطرفين)


دم الشهداء لم يضيع يا محمد بدليل الناس كلها تم تنفيذ مطالبها و تم اقالة الحكومه وكل الناس الفاسدين مشيوا وكلنا اكيد زعلانين على الناس اللى ماتت

بس يا ريت بحق ربنا لا ننظر لكل اللى فات خلينا فى الواقع الحالى المؤلم اللى انت تغاضيت عنه نهائيا

الرئيس مبارك هو رجل محترم وفوق مستوى الشبهات وانا و كل الناس المحايده عارفين انه غير مسئول عن الانفلات الامنى اللى حصل يوم الجمعه واللى حصل برده امبارح فى ميدان التحرير والا مكانش طلب انه يتم التحقيق فى اللى حصل يوم الجمعه

وبعدين انت بتقول اننا عشنا فى بلدنا اذلاء ازاى تقول الكلام ده؟؟؟؟

انا عمرى ما حسيت انى مزلول فى البلد دى فى عهد الرئيس ده والكلام ده لا يمكن ان ينطبق على الشعب المصرى كله

وبعدين لو انت شايف ان ده العصر ده كله زل امال تقول ايه على عصر الرؤساء السابقين

اللى لما كان حد يقول (بم) كان بيبقى صاحب سوابق

هو اللى دعم الاحساس بالامان للناس فى بداية حكمه بعد اغتيال الرئيس السادات وقتها الناس كانت بتخاف تمشى فى الشارع

الراجل ده زى ابوك وابويا وابو الناس كلها هل تقبل على ابوك ان حد يقول عليه كلام وحش / كل ابن ادم بيخطىء ومفيش بنى ادم معصوم من الخطأ (الرئيس ده بنى ادم زيه زينا) كل حاكم له سلبياته وله ايجابياته مهما كان مقامه ومصداقيته عند الناس

الراجل ده لو اطول ابوس ايده والله العظيم لاعملها واروح لغاية عنده

الرئيس اللى انت بتقول عليه كلام مش كويس ده هو اللى وفر حرية الراى بكافة اشكالها وهو السبب فى ان احنا بنتكلم دلوقتى

وعشان هو بيحب شعبه وبلده نفذ مطالب الشعب واقال الفاسدين

اللى يغلط فى الرئيس يبقى غلط فى الشعب كله وفى الجيش اللى طول عمره حامى البلد

الرئيس عمره ما كان فاسد ولا عمره هيبقى فاسد

شهداء الثوره كلنا زعلانين عليهم بس ميديش حد فينا الحق انه يتهم الريس بانه ورا ده كله (مينفعش نعلق على الريس كل الاخطاء)

وكنت اتوقع ان يكون فى موقف محايد يقول للناس اللى فى ميدان التحرير انهم يمشوا علشان البلد متضيعش بحق وحقيقى
بطل تشوف النيل للاخبار والقناه الاولى .. وبطل تسمع اخترناه .. هما مين دول اللى اختاروة .. هو كان اتعمل ريس بالانتخابات
حرية رأى ايه اللى بتتكلم عنها ... اومال حبس الصحفيين ده ايه .. والمعتقلات دى ايه .. ومقولة بلاش تتكلم فى السياسة دى ايه .. والغاء الاشراف القضائى من على الانتخابات ده ايه .. وأمن الدولة ده ايه .. والبلطجية اللى حطينهم فى الشارع دلوقتى ده ايه ..
هو انت حد بيفكرلك ولا انت اللى بتفكر لنفسك ..

 
قديم منذ /02-03-2011, 09:10 PM   #10

™TopAshraf
Quiet Man

™TopAshraf غير متواجد حالياً

 رقم العضوية : 111996
 تاريخ التسجيل : Feb 2010
 المشاركات : 48,425

افتراضي





اقتباس:
المشاركة الأصلية كتبت بواسطة 乂事narn!a事乂 مشاهدة المشاركة
اول حاجة يا محمد عايزة اقولك ان كل كلمة قولتها وجعت قلبي
ووالله مفيش دموع تكفي عشان اعبر عن الالم اللي جوايا
الشباب اللي استشهدت دي واللي اصيبت دي دمها في رقبة كل اللي ساكتين
والساكت عن الحق شيطان اخرس
اللي عمالين يطبطبوا ويقولوا النظام كويس ونعم لمبارك
اللي قتل زينة من شباب بلدنا

واسرائيل ايه اللي عايزة كده !!!!!!
دول مرعوبين عشان النظام هيقع
فين عقولكم
ايه خلاص اتجمدت؟

نسيتوا الجوع و نسيتوا البطالة
نسيتوا الناس اللي بتنهب فلوسنا و بتدكن في البنوك
واحنا في داهية عااادي خلي الناس من غير شغل و من غير حياة كريمة
فين الناس اللي كانت تقول مفيش شغل
مش عارفين نتجوز
التعليم باظ
فين الناس دي؟؟؟؟؟؟

كلهم بقوا شرفاء وبيدافعوا عن النظام
بجد عيب اووووووووووووووووووووي
في ثانيه تنسوا ثورة الشباب دول
تضيعوا كل التعب في ثانية
اتضحك عليكم في شوية كلام معسول لا يودي ولا يجيب
عواطفكم دي متأثرتش من مناظر الشهدا والشباب اللي بتموت
مش عايزين حرية؟
مش عايزين كرامة؟

ولا اتعودتوا انه ميبقاش ليكوا كرامة وتفضلوا متداسيين ومحدش ينطق بكلمة لا
لو انتوا كده فاحنا مش كده
وبنقولها لا للنظام الفاسد ولا لمبارك
وثورة حتى النصر باذن الله

وهو يمشـــــــــــــــــــــــــــــــــــــــــــــــ ـــــــــــــــي بقــــــــــى

اقتباس:
المشاركة الأصلية كتبت بواسطة caiser مشاهدة المشاركة


ايوة كده اتكلمي يا شذي
عشان خلاص انا اتخنقت ومكنتش ناوي اتكلم
بس اهو محمد نفسه واحد من اللي شاف ونزل وشارك
عاوز اعرف اللي بيقول مسيره عطاء وموده والكلام ده ؟؟
علي اي اساس ومين اللي قال كده ؟
هما عايشين معانا ؟؟ في مصر ؟؟
والتضليل والتعتيم اللي بيحصل من القنوات المحليه ليه ؟؟
عارف ان الجزيره يمكن تكون ولعتها عالاخر لكن الصور اللي كانت موجوده دي منين ؟؟
ماهي من الشارع واللي كان بيحصل في الوقت اللي كان التلفزيون المصري جايب النيل
وان الوضع هادي جدا ومفيش اي مشكله

الكلام كتير اوي بس مش هقول غير حسبي الله ونعم الوكيل
اقتباس:
المشاركة الأصلية كتبت بواسطة ™blackmask مشاهدة المشاركة
سبق وقلت الكلام دا قبل كدا لقيت رد فعل من الناس غريب زى ما يكون انا مش مصرى الناس الى مش راحت التحرير ومشفتش الى حصل ولا تابعت حتى فى الاعلام الى بيحصل مشفوف عربيات الشرطة بتدوس على الناس لحد ما عجلات العربيه وقفت من كتر الناس الى تحتها مشفوش واحد وشو مشوه من الشظايا مشفوش ناس ماتت من الاختناق الناس دى قاعده بتقول ادينا عايشين وخلاص مش عارفين ان خطاب مبارك اتسجل الساعه 5 يعنى طلب طلب من الحكومة تقديم الاستقالة الساعه 5 طبعاً الوزراء عرفو انهم ماشين امرو بسحب الشرطة وانتشار البلطجية فى البلد علشان الى عايزنو يحصل يحصل وهو حصل دلوقتى الناس قالت عايزين امن عايزين نرجع زى ما كونا تخطيط منظم . بالنسبة لموضوع اسرائيل انها السبب فى الى بيحصل !!!!! اسرائيل المستفيد الاول من مبارك اقلكو اسرائيل بتعمل ايه دلوقتى . اسرائيل هى الى ورا المظاهرات المؤيده للرئيس وهى الى كانت بتوزع فلوس على الناس تفكير صهيونى للايقاع بين الشعب المصرى وللاسف كل مره بينجحو فى الى بيفكرو فية ....

مفيش حد يا جماعه سكت عن حقه بدليل ان الناس اتظاهرت ومطالبها اتنفذت

وبعدين المفروض لما نتكلم عن البطاله والتعليم والصحه وغيره

المفروض مننساش ان فى حاجه اسمها (زياده سكانيه) بتلقى بظلالها على ده كله

والازمه دى متفشيه فى مصر من زمان بالدرجه اللى مينفعش تتحل فى 30 سنه حتى

واحنا حالنا احسن من ناس دول كتير ضايعه

والرئيس وفر الاجواء السياسيه المناسبه عشان ده يتم ونجح فى كده (لان من غير اجواء مناسبه مش هيبقى نمو اقتصادى)

مفيش حد هينسى ثورة الشباب بس لما نقول شباب فاحنا نقصد شباب يوم 25 مش الناس اللى قاعده دلوقتى منشفه دماغها ومش عاوزه تمشى او الناس اللى كانت يوم 25 ولسه برده قاعده فى ميدان التحرير

الناس هى الى اتسببت فى خسائر الدوله اكتر من 70 مليار جنيه

ضرب موسم السياحه وهروب السياح

ضرب سوق البورصه اللى مشغله البلد

وهتسبب فى غلاء لجميع السلع غير متوقع وهتسبب فى تاخير رواتب الموظفين الغلابه اللى ملهمش اى زنب

وفوق ده كله انحطاط هيبة الدوله وشماته الدول الخارجيه ووسائل الاعلام فينا

عاوزين البلد تخسر ايه اكتر من اللى خسرتوا (ولا انتوا مش هترتاحوا الا لما البلد تضيع تماما بمعنى الكلمه)

وساعتها تبقى نهاية حضاره عمرها اكتر من 7000 سنه فى اسبوع واحد بس

 
موضوع مغلق

مواقع النشر (المفضلة)

الكلمات الدلالية (Tags)
للتاريخ, الغضب, ثورة, كلمة

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

استضافة إكسلنت سيرف

Rss  Rss 2.0  Html  Xml 


الساعة الآن 06:08 AM.


إدارة الموقع غير مسئوله عن اي مقال او موضوع ، وكل كاتب مقال او موضوع يعبر عن رايه وحده فقط

Disclaimer: This site does not store any files on it's server. We only index and link to content provided by other sites